Sonnet 4

(Mis à jour le: 3 août 2016)
L’heureuse branche à Pallas consacrée,
Branche de paix, porte le nom de celle
Qui le sens m’oste, et soubz grand’ beauté cele
La cruaulté, qui à Mars tant agrée.

Delaisse donq’ ô cruelle obstinée!
Ce tant doulx nom, ou bien te monstre telle,
Qu’ainsi qu’en tout sembles estre immortelle,
Sembles le nom avoir par destinée.

Que du hault ciel il t’ait eté donné,
Je ne suis point de le croire etonné,
Veu qu’en esprit tu es la souveraine:

Et que tes yeux, à ceulx qui te contemplent,
Coeur, corps, esprit, sens, ame, et vouloir emblent
Par leur doulceur angelique, et seraine.

 

Joachim Du Bellay

Sonnet 4 L’Olive Poésie Joachim Du Bellay

 Poésie Joachim Du Bellay - L’Olive - Sonnet 4 -  L’heureuse branche à Pallas consacrée, Branche de paix, porte le nom de celle



Voulez-vous commenter cet article ?

Votre email ne sera pas publié

Réalisation : www.redigeons.com - http://www.webmarketing-seo.fr/