Quand je te voy seule assise à par-toy

(Mis à jour le: 7 janvier 2016)
Quand je te voy seule assise à par-toy,
Toute amusée avecques ta pensée,
Un peu la teste encontre bas baissée,
Te retirant du vulgaire et de moy :

Je veux souvent pour rompre ton esmoy,
Te saluer, mais ma voix offensée,
De trop de peur se retient amassée
Dedans la bouche, et me laisse tout coy.

Souffrir ne puis les rayons de ta veuë :
Craintive au corps, mon ame tremble esmeuë :


Langue ne voix ne font leur action :

Seuls mes souspirs, seul mon triste visage
Parlent pour moy, et telle passion
De mon amour donne assez tesmoignage.

 

Premier livre des Amours

Pierre de Ronsard

Quand je te voy seule assise à par-toy Premier livre des Amours Poésie Pierre de Ronsard

 Poésie Pierre de Ronsard - Premier livre des Amours - Quand je te voy seule assise à par-toy -  Quand je te voy seule assise à par-toy, Toute amusée avecques ta pensée,



Voulez-vous commenter cet article ?

Votre email ne sera pas publié

Réalisation : www.redigeons.com - http://www.webmarketing-seo.fr/